التهاب وتر الصابونه اعراضه وعلاجه

 

jumper knee
التهاب وتر الصابونه
هنتكلم النهارده عن اصابه شائعه بتحصل تقريبا في كل الرياضات خاصتا الجماعيه زي كرة القدم وكرة اليد والطائره والسله
طيب ايه الاصابه دي وايه اللي بيحصل الاصابه دي بتيجي في رباط بيبقي موجود بين عظمة الردفه الي جزء من عظمة القصبه والجزء اللي ماسكه فيها اسمها
عظمة الردفه (patella)
عظمة القصبه (tibia)
جزء من عظمة القصبه (Tibial Tubercle)
ا الوتر ده لما بيتصاب بيبدأ يسبب ألم اسفل الصابونه نتيجة الضغط عليه وممكن يحصل احمرار والم شديد ممكن يؤدي ان الحركه تبقي محدوده عند الثني والفرد

اهم الاسباب causes))
1- أن العضله الاماميه تكون ضعيفه فده يخلي الحمل يبقي مباشرة علي الوتر ده فيسبب المشكله
2- القفز المتواصل يعني الرياضات اللي فيها قفزكتير (jumping)
زي السله والطائره والقدم بس بصوره اكبر من اللازم يعني الحمل الزائد
3- او العضلات تكون قصيره بصوره عامه (الاماميه والخلفيه والضامه والخارجيه ) ده من ضمن الاسباب الاساسيه اللي بتسبب المشكله دي

الاعراض (symptoms)
يعني ايه اللي اللاعب المصاب بيحث بيه علشان يعرف ان الاصابه دي عنده
1- اولا بيبقي في اللتهاب في الوتر اللي اتكلمنا عليه يعني ممكن يكون في احمرار وممكن لاء لكن نتيجة الالتهاب هيبقي في الآلم في الوتر ده وهيبان اكتر لما تيجي تدوس عليه
2- هنلاقي مدي حركي محدود خاصة عند القفز وعند الجري هيبقي في ألم شديد ده لو كان الالتهاب كبير وممكن نلاقي ألم محتمل وده بيتقاس بنائا علي نسبة الالتهاب قد ايه

(العلاج (treatment
والعلاج دا خاص بالجانب الرياضي وممكن نستخدمه علي الاشخاص الغير رياضيين
1- راحه لمدة من 2 الي 3 ايام
2- ثلج علي المكان اللي في الاصابه من اول الاحساس بيها وتبقي مدتها 10 دقايق مش اكتر وميبقاش الثلج مباشر علي الجسم لازم يكون في كيس او قربه يعني عازل بينا وبين الجسم علشان الانسجه ميحصلش ليها مشاكل ونستمر في وضع الثلج فتره من 5 الي 6 ايام 3 مرات في اليوم
3- ربط المكان اللي فيه الاصابة برباط ضاغط
4- نستخدمة ultra sonic وده جهاز من ضمن اجهزة العلاج الطبيعي ونستخدمه بعد مرور 4ايام من حدوث الاصابه
5 – عمل تمارين ثبات للاماميه وبعد مرور 3 ايام من تمارين الثبات للاماميه نعمل تمارين ثبات للخلفيه والضامه والخارجيه

6- عمل اطالات لعضلات الرجل كلها وده بيبقي في اليوم الثاني بجانب تمارين الثبات.

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *